Қазақстанда мұнай өндірісі азайды, Үкімет зауыттардың қуатын арттырмақ
2026 жылдың алғашқы тоқсанында Қазақстанда мұнай және газ конденсатын өндіру азайған
2026 жылдың бірінші тоқсанында Қазақстан 19,7 млн тонна мұнай мен газ конденсатын өндірді, бұл жоспарланған деңгейден айтарлықтай аз. Бұл туралы бүгін Үкімет отырысында елдің Энергетика министрі Ерлан Аккенженов мәлімдеді, деп хабарлайды Kapital.kz іскерлік ақпарат орталығы.
«Есепті кезеңдегі мұнай және газ конденсатын өндіру көлемі 19,7 млн. тонна немесе өткен жылдың сәйкес кезеңімен салыстырғанда 80,2% құрады», деді министр.
Сондай-ақ ол ірі жер қойнауын пайдаланушылармен мұнай өндірісін арттыру шаралары туралы келіссөздер жүргізіліп жатқанын атап өтті.
Өндірумен қоса мұнай экспортында да көрсеткіш төмендегені байқалады. Мәселен, биылғы 3 айдың қорытындысы бойынша – мұнай экспорттау 15,3 млн. тонна немесе өткен жылдың сәйкес кезеңіне 78,5% орындалды. Ал 2026 жылға болжам – 76 млн. тонна деп белгіленген.
Энергетика министрлігінің мәліметінше, есепті кезеңде мұнай өнімдерін өндіру көлемі 3,67 млн. тоннаны құрап, өткен жылдың тиісті кезеңімен салыстырғанда 98,9% құрған. Ал 2026 жылға болжам бойынша 15,49 млн. тонна өндіру жоспарланып отыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
