Сарыағаш айналма жолының құрылысы басталды
Өзбекстанға баратын жаңа бағыт қандай болмақ?
Түркістан облысында Сарыағаш айналма жолының құрылысы басталды. Енді жаңа бағыт қалада көлік жүктемесін азайтып, Өзбекстанға өтетін транзитті жылдамдатады, деп хабарлайды Kapital.kz іскерлік ақпарат орталығы.
Қазақстанның Көлік министрлігінің мәліметінше, Сарыағаш айналма жолын салу транзиттік көлікті қала шегінен шығарып, қалалық жол желісіне түсетін жүктемені азайтады. Сондай-ақ Өзбекстан бағытындағы қозғалысты едәуір жылдамдатады. Бұл негізгі транспорттық бағыттардың қауіпсіздігін, жайлылығын және өткізу қабілетін арттыруға бағытталған маңызды қадам.
Жоба аясында ұзындығы 102,6 шақырым болатын I-а техникалық санаттағы төрт жолақты заманауи автожол салынады.
«Сарыағаш айналма жолының іске асырылуы өңір экономикасына айтарлықтай әсер етеді: жүк және жолаушылар транзиті жеделдейді, шекара маңындағы сауданың тартымдылығы артады, Түркістан облысының халықаралық маршрутардағы көлік түйіні ретіндегі рөлі күшейеді», делінген министрлік ақпаратында.
Сонымен қатар, өңірдің жол желісін модернизациялау жұмыстары қарқынды жүріп жатыр. Қазіргі уақытта республикалық маңызы бар автожолдардың ұзындығы 678 шақырымды құрайды. Бүгінде негізгі маршруттарда 5 күрделі және орташа жөндеу жұмысы жүзеге асырылуда, олардың жалпы ұзындығы – 99,2 шақырым, соның ішінде транспорттық қиылыстар мен көпірлердің реконструкциясы бар.
Бұған қоса биыл қозғалысты бақылаудың автоматтандырылған жүйелерін орната отырып, «Шымкент – Қызылорда» автожолында жалпы ұзындығы 103 шақырым болатын орташа жөндеудің 5 қосымша жобасы жоспарланған, бұл көлік инфрақұрылымының тиімділігін арттыруға мүмкіндік береді.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
