Қазақстан мен Ресей цифрлық логистиканы бірлесіп дамытады
Ұшқышсыз көлік пен цифрлық логистика саласындағы жаңа меморандумға қол қойды
Қазақстан мен Ресей көлік саласын цифрландыру және ұшқышсыз технологияларды енгізу бағытында ынтымақтастықты күшейтеді. Тиісті меморандумға Санкт-Петербургте өткен халықаралық көлік-логистика форумы аясында екі елдің көлік министрлері қол қойды, деп хабарлайды Kapital.kz іскерлік ақпарат орталығы.
Құжатқа сәйкес, тараптар ұшқышсыз көлік жүйелерін дамыту, сондай-ақ көлік саласындағы цифрлық шешімдерді кеңінен енгізу бойынша бірлескен жұмыстарды жүзеге асырады. Атап айтқанда, рұқсат беру рәсімдері мен тауарға қатысты құжаттарды электрондық форматқа көшіру мәселесіне басымдық беріледі.
Меморандум шеңберінде Қазақстан мен Ресей тәжірибе алмасуды жолға қойып, бірлескен іс-шаралар өткізуді және цифрлық технологиялармен жұмыс істейтін мамандарды даярлауды жоспарлап отыр.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
