Қазақстанда бұқашық малды экспорттауға алты айлық тыйым енгізіледі
Шара еліміздің азық-түлік қауіпсіздігі мен кәсіпорындарды шикізатпен қамтамасыз етуге бағытталған
Қазақстанда бұқашық малды ел аумағынан шығаруға тыйым енгізіледі. Бұл шектеу алты ай мерзімге қолданылады. Ауыл шаруашылығы министрлігі «Ауыл шаруашылығы жануарларын әкету мәселелері туралы» тиісті бұйрықты «Ашық НҚА» порталында қоғамдық талқылауға шығарды, деп хабарлайды Kapital.kz іскерлік ақпарат орталығы.
Нормативтік-құқықтық акт жобасын әзірлеуге 2026 жылғы 5 наурызда Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның шешімі негіз болды.
«Жобада Қазақстан Республикасының аумағынан ірі қара малдың бұқашықтарын (Еуразиялық экономикалық одақтың сыртқы экономикалық қызметтің бірыңғай тауар номенклатурасы коды 0102) алты ай мерзімге шығаруға тыйым енгізу көзделген», – делінген құжатта.
Бұл шара елдің азық-түлік қауіпсіздігін қамтамасыз ету, отандық қайта өңдеу кәсіпорындарын шикізатпен толық жүктеу және сиыр еті бағасын тұрақтандыру мақсатында қабылданып отыр.
Айта кетейік, 2025 жылы Қазақстанда ет және ет өнімдері 21,7%-ға қымбаттаған.
Бұған дейін ауыл шаруашылығы министрі Айдарбек Сапаров экспорттық нарықтағы қазақстандық сиыр етінің бағасы ет санатына қарай келісіне 4,5 мыңнан 6 мың теңгеге дейін өзгеретінін айтқан болатын. Ал ішкі нарықтағы баға 1,6 мыңнан 1,8 мың теңгеге дейін құбылып, соңғы уақытта 2 мың теңгеге төмендегені байқалған. Дегенмен кейбір нарықтарда баға 3-4 мың теңгеге дейін жетуі мүмкін. Жыл ішінде ет және ет өнімдері 21,7%-ға қымбаттаған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
