Meta суперзиятты дамытуға арналған жаңа департамент құрады

Американдық Meta компаниясы суперзиятты (адам миынан асып түсетін мүмкіндігі бар жасанды интеллект жүйесі – ИФ) дамытуға қолдау көрсету үшін қолданбалы ЖИ әзірлеу департаментін құруда, деп хабарлайды Интерфакс-Қазақстан The Wall Street Journal басылымына сілтеме жасап.

Жаңа департаментті Махер Саба басқарады – ол виртуалды шындық саласында зерттеулер жүргізетін Reality Labsбөлімшесінің вице-президенті. Саба жаңа бөлімшенің жұмысы үшін Meta-ның бас техникалық директоры Эндрю Босуортқа бағынатын болады.

Қолданбалы ЖИ-әзірлемелер департаменті Superintelligence Lab ішкі ЖИ зертханасымен бірлесіп жұмыс істейді. Мақсат – «біздің модельдерді жылдам әрі тиімді жақсартуға көмектесетін деректер қозғалтқышын жасау», – деді Саба.

Жаңа департамент екі бөлімнен тұрады. Бірінші бөлім интерфейстер мен құралдарды әзірлеуге жауапты болады. Екінші бөлім тапсырмаларды орындау, деректер генерациясы және модельдерді бағалау жұмыстарын атқарады.

Бөлімшенің ұйымдастырушылық құрылымы көпдеңгейлі иерархиясыз, яғни бір деңгейлі болады: бір менеджерге 50 қызметкерден аспайды.

Жаңа департаментке менеджерлерді түрлі командалардан – бағдарламалық қамтамасыз ету әзірлеу және жобалау, өнімді басқару, деректерді зерттеу және инженерлік бөлімдерден – тарту жоспарланып отыр, олардың орналасқан орны маңызды емес. Қызығушылық танытқан қызметкерлер АҚШ батыс жағалауы уақытымен жұма күні сағат 17:00-ге дейін (Қазақстан уақытымен сенбі күні 6:00) ішкі өтінім формасын толтыруы қажет.