Геннадий Головкин Мартин Мюррейді тізе бүктірді
АВТОР

22.02.2015 • 13:53 5060

Геннадий Головкин Мартин Мюррейді тізе бүктірді

Қазақстандық боксшы қарсыласын 11 раундта нокаутпен жеңді

Жаңа ғана Монте-Карло қаласының (Монако княздығы, Ларвотто ауданы) Salle des Etoiles (Жұлдыздар залы) аренасында бокс кеші аяқталды. Ең басты жекпе-жекте WBA (Super) нұсқасы бойынша орта салмақ дәрежесіндегі (72,5 кг) Әлем чемпионы және WBC нұсқасы бойынша уақытша Әлем чемпионы 33 жастағы қазақстандық боксшы Геннадий Головкин (31-0, 28 КО) 33 жастағы британдық Мартин Мюрреймен (29-1-1, 12 КО) кездесті. 

Бұл, Мюррейдің осымен Әлем чемпионы атағын жеңіп алу жолындағы үшінші талпынысы болатын. Сайыстың алғашқы секундынан бастап рингтің ортасын өз бақылауына алған Геннадий Головкин жекпе-жек барысын және ара қашықтықты сақтап шабуылға көшті. Қарсыласына қарағанда жылдам қимылдап, оған дәл соққылар жасай бастады. 

Ал бірден шегіне жүріп қарымта шабуыл жасауға тырысқан Мюррей, Геннадий соққыларын үдеткен замат оны құшақтап алатынды шығарды. Ал Геннадий болса, оны тықсыра түсіп бір емес қатарынан бірнеше соққы жасауға тырысты. Алғашқы раундтарда Мюррей Геннадидің әрбір соққысынан кейін, оның шамына тигісі келгендей қолын жайып: «бар болғаны осы ма?» дегендей ыңғай таныта бастады. Үшінші раундтың соңында ауыр соққы жіберіп алған оны гонг құтқарып қалды. Дегенмен төртінші раундта Геннадий қарсыласын оң қолымен бауырынан ұрып нокдаунға жіберді. Көп ұзамай сол бүйіренен соққы алған Мюррей екінші рет нокдаун алды. 

Жекпе-жектің екінші жартысында ол қорғаныста жүріп, қарымта шабуылға шыға бастады. Бірақ Геннадий мүмкіндігінше сауатты қорғана білді. 10 раундтың соңында Головкиннің оң қапталдан бастан ұрған соққысы Мюррейді үшінші рет нокдаунға жіберді. Бұл жолы да оны гонг құтқарып қалды. Бірақ, 11 раундта басынан тағы бірнеше ауыр соққы алып, тізесі бүгіліп бара жатқан Мюррейді төреші құшақтай алып, жекпе-жекті тоқтатты.

Осылайша Геннадий өзінің 32-ші жеңісіне қол жеткізді.

«Персоны Капитала». Истории успешных бизнесменов. Известные имена и лучшие бизнес-идеи. Подписывайтесь на нас здесь.

Заметили опечатку? Выделите ее мышью и нажмите сочетание клавиш Ctrl+Enter.

Геннадий Головкин бокс

22.02.2015 • 13:53 5060

Поделиться
Отправить
Вотсапнуть
Геннадий Головкин Мартин Мюррейді тізе бүктірді
  • Центр деловой информации Kapital.kz — информационное агентство, информирующее о событиях в экономике, бизнесе и финансах в Казахстане и за рубежом. При работе с материалами Центра деловой информации Kapital.kz разрешено использование лишь 30% текста с обязательной гиперссылкой на источник. При использовании полного материала необходимо разрешение редакции. Редакция Kapital.kz не всегда разделяет мнения авторов статей. При нарушении условий размещения материалов редакция делового портала имеет право на решение спорных моментов в законодательном порядке.

  • Яндекс.Метрика