АҚШ президенті өзіне жасалған қастандықтардың себебін атады
Ол азаматтарды «келіспеушіліктерді бейбіт жолмен шешуге» шақырды
АҚШ президенті Дональд Трамп өзіне бірнеше рет жасалған қастандық әрекеттерін атқарған жұмысының ауқымымен байланыстырды. Бұл туралы Интерфакс хабарлайды.
«Елге ең үлкен ықпал ететін президенттерге қарсы қастандық жасалады», — деді Дональд Трамп Ақ үйде журналистерге берген сұхбатында.
Осылайша АҚШ президенті өзіне неге бірнеше рет қастандық жасалуға тырысқаны жөніндегі сұраққа жауап берді. Сонымен қатар ол азаматтарды келіспеушіліктерді «бейбіт жолмен шешуге» шақырды.
Жексенбіге қараған түні Вашингтондағы қонақүйлердің бірінде қарулы адам оқ атқан. Ол жерде Ақ үй журналистеріне арналған жыл сайынғы кеш өтіп жатқан. Іс-шараға Дональд Трамп, оның жұбайы және АҚШ әкімшілігінің көптеген мүшелері қатысқан.
Шабуыл жасаған адам ұсталды. Оқиға барысында АҚШ Құпия қызметінің бір қызметкері жарақат алды. Дональд Трамп айтуынша, бұл адамның өмірін бронежилет сақтап қалған.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Kapital.kz-ті оқыңыз
