• Басты бет
• Назначения
• Kazakh Tourism басқарма төрағасының орынбасары тағайындалды

Kazakh Tourism басқарма төрағасының орынбасары тағайындалды

Бұл қызметке Едіге Әділханов келді

«Ұлттық компания «Kazakh Tourism» АҚ басқарма төрағасының орынбасары болып Әділханов Едіге Дүйсенұлы тағайындалды, деп хабарлайды Kapital.kz іскерлік ақпарат орталығы компанияның баспасөз қызметіне сілтеме жасап.

Едіге Әділханов Л.Н. Гумилев атындағы Еуразия ұлттық университетін тәмамдаған. Халықаралық бизнес бойынша магистр дәрежесін туризм және қонақжайлылық саласындағы әлемдегі жетекші оқу орындарының бірі – César Ritz University-де (Швейцария) алған.

Ол туризм және қонақжайлылық саласында мол тәжірибеге ие. Әр жылдары халықаралық қонақүй брендтерінде, «ҰК «Kazakh Tourism» АҚ-да және Қазақстан Республикасының спорт істері агенттігінде жұмыс істеген.

Тағайындалғанға дейін «Астана» халықаралық қаржы орталығының креативті индустриялар департаментінің директоры қызметін атқарды.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз