• Басты бет
• Назначения
• Президент Қазақстанның екі елдегі елшілерін тағайындады

Президент Қазақстанның екі елдегі елшілерін тағайындады

Жаңа лауазымдарға Асет Исенали мен Марғұлан Баймұхан ие болды

Президент Қасым-Жомарт Тоқаев Қазақстанның екі елдегі елшілерін тағайындады, деп хабарлайды Ақорда баспасөз қызметі.

Мемлекет басшысының жарлықтарымен:

- Исенали Асет Жеңісұлы Қазақстан Республикасының Корея Республикасындағы Төтенше және Өкілетті Елшісі болып тағайындалды;

- Қазақстан Республикасының Таиланд Корольдігіндегі Төтенше және Өкілетті Елшісі, БҰҰ-ның Азия және Тынық мұхиты үшін Экономикалық және әлеуметтік комиссиясы (ЭСКАТО) жанындағы Қазақстан Республикасының Тұрақты өкілі Баймұхан Марғұлан Бақытұлы Қазақстан Республикасының Мьянма Одағы Республикасындағы Төтенше және Өкілетті Елшісі болып қоса атқару негізінде тағайындалды.

Арыстанов Нұрғали Алмасбайұлы Қазақстан Республикасының Корея Республикасындағы Төтенше және Өкілетті Елшісі қызметінен босатылды.

Баймұхан Марғұлан Бақытұлы 1974 жылғы 6 қыркүйекте Алматы облысында дүниеге келген. Ополе қаласындағы Политехникалық институтты; Краков экономикалық университетінің «Халықаралық экономикалық және саяси қатынастар» факультетін; осы университеттің «Менеджмент және маркетинг» факультетін; Қазақстан Республикасы Президенті жанындағы Мемлекеттік басқару академиясын тәмамдаған. Дипломатиялық дәрежесі – I сыныптағы кеңесші.

1996 – 1997 жылдары – Daewoo Electronics компаниясында маркетинг және коммерция мәселелері жөніндегі менеджер.

1997 – 1999 жылдары – Польшадағы Краков қаласында орналасқан River System Ltd. компаниясында экспорт бөлімінің маманы, кеңесшісі, өңірлік директоры (Оңтүстік Кавказ және Орталық Азия елдері).

1999 – 2005 жылдары – ҚР Сыртқы істер министрлігінде, халықаралық экономикалық ынтымақтастық департаментінің атташесі, III хатшысы.

2001 – 2005 жылдары – Қазақстанның Польша Республикасындағы Елшілігінде атташе-консул, III хатшы, II хатшы.

2005 – 2007 жылдары – ҚР Сыртқы істер министрлігінде кеңесші, ТМД істері департаментінің халықаралық ұйымдар және әскери-саяси ынтымақтастық бөлімдерінің басшысы.

2007 – 2013 жылдары – Қазақстанның Польшадағы Елшілігінде кеңесші, кеңесші-елші.

2013 – 2015 жылдары – ҚР Сыртқы істер министрлігінде Сыртқы саяси талдау және болжам комитеті төрағасының орынбасары.

2015 – 2019 жылдары – Қазақстан Республикасының Польша Республикасындағы Төтенше және Өкілетті Елшісі.

2021 жылдан 2025 жылғы шілдеге дейін – Қазақстан Республикасының Люксембург Ұлы Герцогтігіндегі Төтенше және Өкілетті Елшісі, сондай-ақ Бельгия Корольдігіндегі Төтенше және Өкілетті Елшісі, Қазақстан Республикасының Еуропалық одақ пен Солтүстікатлантикалық шарт ұйымы (НАТО) жанындағы өкілдігінің басшысы.

2025 жылғы тамыздан бастап – Қазақстан Республикасының Таиланд Корольдігіндегі Төтенше және Өкілетті Елшісі, БҰҰ-ның Азия және Тынық мұхиты үшін Экономикалық және әлеуметтік комиссиясы (ЭСКАТО) жанындағы Қазақстан Республикасының Тұрақты өкілі.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз