• Басты бет
• Государство
• «Қазцинктегі» жарылыс: жағдайды Үкімет басшысы жеке бақылауына алды

«Қазцинктегі» жарылыс: жағдайды Үкімет басшысы жеке бақылауына алды

Олжас Бектенов төтенше жағдайдың себептерін шұғыл анықтап, қабылданған шаралар туралы баяндауды тапсырды

Премьер-министр Олжас Бектенов Өскемен қаласындағы «Қазцинк» ЖШС зауытында болған төтенше оқиғаға байланысты тиісті мемлекеттік органдарға бірқатар тапсырма берді, деп хабарлайды Kapital.kz іскерлік ақпарат орталығы.

Үкімет отырысы басталар алдында ол Төтенше жағдайлар министрлігі мен Экология министрлігіне облыс әкімдігімен бірлесіп қажетті шараларды қабылдап, атқарылған жұмыстар туралы есеп беруді тапсырды.

«Бұл мәселе менің жеке бақылауымда болады», – деді премьер-министр.

Соңғы мәліметтер бойынша, зауыттағы жарылыс салдарынан тоғыз адам зардап шеккен. Олардың екеуі ауыр жағдайда ауруханаға жатқызылса, тағы бір адам жансақтау бөлімінде жатыр.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз