• Басты бет
• Государство
• Ұлытау облысында «Қылыш» су қоймасының гидротехникалық нысандары мемлекет меншігіне қайтарылды

Ұлытау облысында «Қылыш» су қоймасының гидротехникалық нысандары мемлекет меншігіне қайтарылды

Нысан қайта жаңғыртылмақшы

Ұлытау облысында «Қылыш» су қоймасының гидротехникалық құрылыстары мемлекет меншігіне қайтарылды, деп хабарлайды Kapital.kz іскерлік ақпарат орталығы облыстық прокуратураның баспасөз қызметіне сілтеме жасап.

Ведомствоның мәліметінше, прокурорлық шаралар нәтижесінде бұған дейін жеке меншікке берілген, жобалық көлемі 11,5 млн текше метр болатын «Қылыш» су қоймасының гидротехникалық нысаны мемлекетке қайтарылған.

Су қоймасын пайдалану және инфрақұрылымын жақсарту мақсатында Қаражал қаласының әкімдігі гидротехникалық құрылысты қайта жаңғырту жобасының құжаттамасын әзірлеуге 16,4 млн теңге бөлді. Жоба аясында екі сорғы станциясын салу, шлюздерді ауыстыру және жоғары кернеулі электр беру желілерін жүргізу көзделген.

Еске салайық, 2025 жылы мемлекет меншігіне «Ворошилов» су қоймасы қайтарылған болатын. Сондай-ақ Kazakhmys Distribution компаниясы Кеңгір су қоймасының гидротехникалық нысандарын мемлекетке берген.

Бұдан бөлек, өткен жылы Қазақстанда су қоймаларын басқарған жосықсыз компаниялармен сегіз келісімшарт бұзылған. Бұл заңбұзушылықтарды Алматы облысының табиғат қорғау прокуратурасы анықтаған.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз