• Басты бет
• Государство
• Әлеуметтік желілерде Halyk+ туралы жалған инвестициялық платформа тарады

Әлеуметтік желілерде Halyk+ туралы жалған инвестициялық платформа тарады

ІІМ deepfake технологиясы қолданылған алаяқтыққа байланысты азаматтарды сақ болуға шақырды

Әлеуметтік желілерде deepfake технологиясы қолданылған алаяқтық видеоролик таралуда. Онда қазақстандық банктердің бірінің басшысының бейнесі пайдаланылып, Halyk+ атты жоқ инвестициялық платформа арқылы табыс табуға болады деген ақпарат берілген, деп хабарлайды Kapital.kz іскерлік ақпарат орталығы ішкі істер министрлігінің баспасөз қызметіне сілтеме жасап.

«Ішкі істер министрлігі жасанды интеллект технологияларын пайдалану арқылы жасалатын интернет-алаяқтықтың жаңа түрі анықталғанын хабарлайды. Әлеуметтік желілерде deepfake технологиясы арқылы банк басшыларының бірінің бейнесі қолданылған видеоролик таралуда. Онда Halyk+ атты инвестициялық платформа бар деп көрсетіліп, азаматтарға ірі көлемде ақша табуға болады деп уәде беріледі. Министрлік мұндай платформаның жоқ екенін және таралған ақпараттың жалған болып, азаматтарды алдауға бағытталғанын ресми түрде мәлімдейді. Бұл қаржылық шығынға әкелуі мүмкін», – делінген ведомство хабарламасында.

Ведомство азаматтарға кез келген белгісіз онлайн-платформаларға ақша салу жоғары тәуекелмен байланысты екенін ескертеді. Қаржылық операцияларды тек банктердің ресми бөлімшелеріне жеке жүгіну арқылы жүзеге асыру ұсынылады.

Ішкі істер министрлігі азаматтарды:

• күмәнді видеолар мен әлеуметтік желідегі жарияланымдарға сенбеуге;

• белгісіз сілтемелерге өтпеуге;

• жеке деректерді үшінші тұлғаларға бермеуге;

• ақпаратты тек ресми дереккөздерден тексеруге шақырады.

Мұндай материалдар анықталған жағдайда немесе азаматтар алаяқтардың құрбаны болса, дереу құқық қорғау органдарына жүгіну қажет.

Бұған дейін Ұлттық банк цифрлық теңгеге қатысты жалған инвестициялар туралы ескерткен болатын. Сондай-ақ алаяқтар «қате аударымдар» схемасын қолдана бастағаны хабарланған.

Қазақстанда қылмыстық топтың қызметі де әшкереленіп, тоқтатылған. Ұйымдасқан қылмыстық топ азаматтардың жеке деректері мен қаражатын ұрлау мақсатында фишингтік хабарламаларды жаппай таратқан. Олар арнайы «SMS-бластер» құрылғысын қолданған.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз