• Басты бет
• Государство
• Депутат Астанадағы тұрғын үйдегі қаруға қатысты оқиғаға пікір білдірді

Депутат Астанадағы тұрғын үйдегі қаруға қатысты оқиғаға пікір білдірді

Мұндай әрекеттерге жол беруге болмайды, деді Мұрат Әбенов

Астанада 20-нан 21 сәуірге қараған түні тұрғын үйлердің бірінде қару ұстаған адамдардың көзге түскені қоғамда қызу талқыланып жатыр. Осы жағдайға мәжіліс депутаты Мұрат Әбенов пікір білдірді, деп хабарлайды Kapital.kz іскерлік ақпарат орталығының тілшісі.

Оның айтуынша, мұндай әрекеттерге жол беруге болмайды.

«Кім болса да қарумен пәтерге кіруге болмайды. Ол үшін рұқсат қажет. Түнде біреудің үйіне, көптің көзінше кіруге болмайды, адамдардың балалары бар. Бізде ондай заң жоқ. Полициядан сұрауға болады – антикварлық қарумен жүруге бола ма», – деді Мұрат Әбенов Мәжіліс кулуарында.

Сондай-ақ ол құқық қорғау органдарының, әсіресе антикварлық қаруды сақтау мен алып жүру мәселесінде нақты ұстанымы болуы қажет екенін айтты. Депутат қоғамның реакциясын дұрыс деп бағалады.

«Онда полиция нақты айтсын – көне қаруды сақтауға бола ма. Біздің заңнамада мұндай норма жоқ. Менің ойымша, ІІМ мұндай жағдай туралы хабарлаған адамдарға алғыс айтуы керек, олардың қырағылық танытқаны дұрыс», – деп қосты ол.

Бұған дейін Мұрат Әбенов әлеуметтік желіде Highvill тұрғын үй кешенінде университет маңында қаруы бар шетелдіктер ұсталғаны туралы жазған болатын.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз