• Басты бет
• Государство
• Жыл басынан бері Қазақстанда қос азаматтықтың 52 дерегі анықталды

Жыл басынан бері Қазақстанда қос азаматтықтың 52 дерегі анықталды

257 шетелдік ел аумағынан шығарылды

Жыл басынан бері көші-қон заңнамасын бұзғаны үшін мыңнан астам шетел азаматы жауапкершілікке тартылды, деп хабарлайды Kapital.kz іскерлік ақпарат орталығы Ішкі істер министрлігінің баспасөз қызметіне сілтеме жасап.

ІІМ мәліметінше, сот шешімімен 257 адам ел аумағынан шығарылған. Сонымен қатар қос азаматтықтың 52 дерегі анықталып, тиісті шаралар қабылданды. Мәселен, Петропавл станциясындағы көліктегі полиция бөлімінің қызметкерлері «Новосибирск – Белгород» бағытындағы жолаушылар пойызын тексеру кезінде Қазақстан Республикасының азаматтығы туралы заңнамасын бұзу дерегін анықтады.

Жолаушылардың арасында 40 жастағы шетел азаматы анықталды. Ол заңда белгіленген мерзімде басқа азаматтық алғаны туралы хабарламаған. Аталған азаматқа қатысты хаттама толтырылып, іс материалдары сотқа жолданды.

Министрлік Қазақстан аумағында жүрген барлық шетел азаматтары үшін көші-қон заңнамасын сақтау міндетті екенін еске салды.

Айта кетейік, бұған дейін депутаттар қос азаматтық үшін жауапкершілікті күшейтуді ұсынған. Өткен жылы 10 айда қос азаматтықтың 682 дерегі анықталған. Бұл азаматтар Қазақстан азаматтығынан айырылып, елге бес жылға кіруге тыйым салынған.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Kapital.kz-ті оқыңыз