• Басты бет
• Государство
• Шегірткеге қарсы күреске 100-ден астам дрон қолданылады

Шегірткеге қарсы күреске 100-ден астам дрон қолданылады

Қазақстанда шегірткеге қарсы күресте агродрондар паркі толық әзірленді

Қазақстанда шегірткеге қарсы күрес маусымына 100-ден астам дрон дайындалды. Агродрондар арқылы шөлді және таулы аймақтарды нүктелік өңдеу, фитосанитариялық мониторинг жүргізілмек, деп хабарлайды Kapital.kz іскерлік ақпарат орталығы.

Ауыл шаруашылығы министрлігінің мәліметінше, шегіртке зиянкестеріне қарсы күрес маусымына дайындық аясында ұшқышсыз ұшу аппараттары паркін әзірлеу жұмыстары толық аяқталды. Биыл ауыл шаруашылығы алқаптарын нүктелік әдіспен химиялық өңдеу үшін 46 агродронды пайдалану жоспарланған.

«Үйірлі шегіртке түрлері дала, шөл және таулы аймақтарда, сондай-ақ өзен аңғарларында таралады. Мұндай жерлерде жерүсті техниканы қолдану қиындық тудырады. Сондықтан ұшқышсыз ұшу аппараттарын пайдалану зиянкестер ошақтарын жедел анықтауға мүмкіндік береді, мониторинг жүргізу үдерісін едәуір жеделдетеді және зерттелетін аумақтардың қамту аясын кеңейтеді», делінген ведомство хабарламасында.

Мамандар маусымға дайындық барысында жабдықтардың техникалық жай-күйін - ұшу қауіпсіздігін, бүрку жүйелерінің тиімділігін және басқару жүйелерінің тұрақтылығын тексерді.

Айта кетейік, Қазақстанда ауыл шаруашылығы алқаптарына «Фитосанитариялық қауіпсіздік және болжамдар әдістемелік орталығы» мониторинг жүргізеді. Соңғы жылдары орталықтың техникалық паркі айтарлықтай жаңарған. Мәселен, былтыр орталық 2024 жылдың соңында сатып алынған 7 дронды пайдаланса, 2025 жылдың желтоқсанында қосымша 50 құрылғы сатып алынды.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз