- Басты бет
- Государство
- Мүгедектікті рәсімдеуде құжатты қолдан жасаудың 167 дерегі анықталды
Мүгедектікті рәсімдеуде құжатты қолдан жасаудың 167 дерегі анықталды
Қазақстанда мүгедектікті заңсыз алғандардың төлемдері тоқтатылуда
Еңбек және халықты әлеуметтік қорғау министрлігі мүгедектікті рәсімдеу кезінде медициналық құжаттарды қолдан жасаудың 167 дерегін анықтады, деп хабарлайды Kapital.kz іскерлік ақпарат орталығы.
Министрлік мәліметінше, медициналық-әлеуметтік сараптамаға келіп түсетін құжаттарды проактивті түрде, офлайн және қашықтан тексеруде. Тексеру барысында жүйелік сипаттағы бұзушылықтар анықталған.
«Бұл жекелеген жағдайларда дәрігерлердің бір үлгідегі, қайталанатын медициналық қорытындыларды пайдалануы мүмкін екенін көрсетеді. Атап айтқанда әртүрлі пациенттерге бірдей мазмұндағы құжаттардың «көшірме» тәсілімен рәсімделгені тіркелген. Сонымен қатар зертханалық талдаулардың нәтижелері, анамнез және мамандардың қорытындылары толық сәйкес келетін жағдайлар анықталды. Мұндай құжаттарда тек пациенттердің жеке деректері мен тексеру күндері ғана өзгертіліп, негізгі мазмұны өзгеріссіз қалдырылған», делінген ақпаратта.
Қазір анықталған барлық фактілер бойынша уәкілетті органдар тарапынан кешенді шаралар қабылданып жатыр. Комитеттің аумақтық департаменттеріне бақылау қайта куәландыруларын жүргізу тапсырылып, қазіргі таңда олардың 73-і орындалды.
Ведомство күмәнді жағдайлар бойынша әлеуметтік төлемдер уақытша тоқтатылды, ал заңбұзушылықтар расталған жағдайда мүгедектік тағайындау туралы бұрын қабылданған шешімдер заңнамаға сәйкес қайта қаралатынын атап өтті. Барлық материалдар тиісті процессуалдық шешімдер қабылдау үшін құқық қорғау органдарына, оның ішінде прокуратура мен экономикалық тергеп-тексеру департаменттеріне жолданды.
Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.
Сізге қызықты болуы мүмкін
Kapital.kz-ті оқыңыз
