• Басты бет
• Государство
• Қазақстанда өңірлік мансап орталықтары қайта құрылымдалып жатыр

Қазақстанда өңірлік мансап орталықтары қайта құрылымдалып жатыр

Енді министрлік елдегі әрбір жұмыссызбен жеке атаулы жұмысты күшейтпек

Қазақстанда өңірлік Мансап орталықтарының жұмысын жетілдіріліп жатыр. Еңбек және халықты әлеуметтік қорғау министрі Асқарбек Ертаевтың төрағалығымен өткен жұмыс кеңесінде жаңа алгоритм таныстырылды: енді негізгі күш-жігер «басым топқа» – өз бетінше жұмыс табуы қиын үміткерлерге бағытталады, деп хабарлайды Kapital.kz іскерлік ақпарат орталығы.

Ведомство мәліметінше, еңбек нарығын жан-жақты талдау 93,5 мың адамнан тұратын нысаналы топты айқындауға мүмкіндік берген. Бұл санатқа әлеуметтік жағдайы төмен азаматтар, жұмыс тәжірибесі жоқ немесе еңбек өтілінде алты айдан астам үзілісі бар адамдар, сондай-ақ орта және техникалық кәсіптік білімі бар үміткерлер енгізілді.

Ал еңбек нарығындағы орны біршама тұрақты азаматтар (жоғары білімі немесе жуырдағы жұмыс тәжірибесі барлар) қолдауды ең мұқтаж топтарға бағыттау үшін бұл тізімнен шығарылды. Енді дәл осы басым топ үшін жеке сүйемелдеу жүйесі қалыптастырылады.

Атап айтқанда әрбір осындай азаматты жұмыспен қамтуды қатаң бақылау мақсатында министрлік ақпараттық жүйеге жаңа цифрлық құралдарды енгізді. Енді Мансап орталықтары арнайы ақпараттық панель арқылы басым топтағы барлық үміткерді нақты уақыт режимінде аты-жөні бойынша көре алады. Жүйе күн сайынғы динамиканы бақылап, азаматқа қандай нақты қолдау шаралары ұсынылғанын тексеруге мүмкіндік береді.

Бұл орайда ведомство өңірлердегі сала мамандарының қазіргі жұмыс қарқыны едәуір күшейтуді қажет ететінін атап өтті. Мониторинг деректеріне сәйкес, бүгінгі таңда нысаналы топтағы небәрі 39,8 мың адам ғана жұмыспен қамту шараларымен қамтылған. Осыған байланысты министр өңірлік Мансап орталықтарына нақты міндет жүктеді: енді әрбір жұмыссыз азаматпен жеке, атаулы шараларды түбегейлі күшейтіп, оны жұмыс орнына орналасқанға дейін толық сүйемелдеуді қамтамасыз етілетін болады.

Kapital.kz іскерлік ақпарат орталығының материалдарымен жұмыс істегенде тек 30% мәтінді ғана пайдалану, міндетті түрде көзге гиперсілтеме қою арқылы рұқсат етіледі. Толық материалды пайдалану үшін редакцияның рұқсатын алу қажет.

Сізге қызықты болуы мүмкін

Kapital.kz-ті оқыңыз