RBK «орташа әрі тартымсыздау, бірақ табысты банк» болады
АВТОР

30.03.2018 • 10:50 1417

Выбор редакции

RBK «орташа әрі тартымсыздау, бірақ табысты банк» болады

Standard & Poor’s агенттігі рейтингтерінің ағымдағы деңгейі неліктен жоғары болуы мүмкін еді

Bank RBK Директорлар кеңесінің төрағасы Торстен Пол «Капитал.kz» іскерлік апталығына берген сұхбатында Standard & Poor’s агенттігі рейтингтерінің ағымдағы деңгейінің неліктен жоғары болуы мүмкін екенін айтып берді.

— Сіздің банк бағалауына қатысты S&P агенттігімен келіспеу себебіңіз неде?

— Агенттіктің қазақстандық банктерге қатысты жағымды рейтингтерден гөрі, жағымсыз ретингтер ықпалы көбірек дегенін ескерсек, біздің рейтингіміздің «В» деңгейіне дейін көтерілуі біраз жетістік болып көрінбек. Аз ғана уақыт, яғни үш ай ішінде біз «ССС» деңгейінен «В» деңгейіне көтеріле алдық. Дегенмен, рейтингтік сарапшылардың логикасын түсіне бермейтін пункттер де жоқ емес. Олар қаржы секторын сауықтыру бағдарламасы аясындағы Ұлттық банктің тәртіптелген борышы гибридтік капитал ретінде ескерілмейді деп жазады. Рейтинг авторлары мемлекеттің айтылған дәлелдерді растайтын ресми пікірі жетіспейді деп атап өтті. Егер рейтингтік агенттіктер дәлел ретінде қабылдамаса, онда тұрақты теңгерімге қол жеткізу үшін банктердің капитал алуына жағдай жасаған сауықтыру бағдарламасының не қажеті бар екенін біз түсіне алмадық. Бұл жерде бір сәйкессіздік бар сияқты. Мәселен, бүгінгі біз қол жеткізген «В» деңгейін қозғалыстың басы деп есептейік. Егер қазақстандық банктердің көрсеткіштеріне көз салсаңыз, біздің барлық ұстаным бойынша алға шыға бастағанымызды байқайсыз. Еркін өтімділігіміз 200 млрд теңгені, екінші деңгейлі капиталымыз 75%-ды құрайды, бұл дегеніңіз, бүкіл теңгерімнің төрттен үш бөлігі. Бірақ сыртқы орта оны әлі сезіне қойған жоқ. Біз өз рейтингтеріміздің ағымдағы жоғарғы қаржылық көрсеткіштерге сай болуына ұмтыла бермекпіз.

— Рейтинг деңгейі неге соншалықты маңызды? Әлде онсыз депозиторлар тарту немесе облигациялар шығару мүмкін емес пе?

— Рейтинг — халықаралық банктермен және қор жинау аясындағы әлеуетті инвесторлармен қарым-қатынастағы кез келген банктің визиттік картасы саналады. Ол сондай-ақ, депозиторларды қызықтыратын көрсеткіш т. е. Қайталап айтайын, біздің 15 жылдық мерзімдегі 200 млрд теңгелік еркін өтімділігіміз бар. Осы себептен де бізге ұзақ мерзімдік келешек үшін рейтингтердің маңызы зор. Біз жақын уақытта капитал нарығына өз облигацияларымызбен шығу мүмкіндігін қарастырып жатырмыз, ал рейтингтер ондай қарыздар құнына тікелей ықпал ететін болады. Банктің дұрыс микс-қоры болуы тиіс екенін түсінеміз, бірақ өтімділіктің тым жоғарылығына қарамастан, біз 3−5 жыл ішінде капитал нарығына шығуға дайындалып жатырмыз. Яғни, рейтингтер деңгейі біз үшін айрықша қажет болып отыр.

— Сонда депозиттік база тұрақтылып, кетушілер саны тоқтады ма?

— Биылғы ақпан айынан бері келушілердің көбейгенін көріп отырмыз. Рейтингтің аз ғана мерзім ішінде көтерілгенін жұрт көріп отыр ғой, былтырғы қиын жағдайға қарамастан банк ол жағымсыз трендті жеңе білді және ең ауқатты акционерлердің бірі - $500 млн тірі ақша түрінде капитал енгізген Владимир Кимді құрамына алды. Мемлекет те сауықтыру бағдарламасы арқылы қаржы құйды. Сондықтан бір кездері бізден кеткен клиенттер көп ұзамай қайтып келетін болады. Бұдан өзге, банктің дұрыс жолда келе жатқанын көріп отырған көптеген бейілді клиенттеріміз де бар. Біз о бастан-ақ Bank RBK-ны соқыр тәуекелдің немесе агрессивті өсімнің жетегінде кететін ойыншы ретінде емес, тартымсыздау болғанмен, орташа, бірақ табысты банк түрінде көрсеткенбіз.

Рейтингтік агенттіктер бәрін бірден бере салудан қорқады

— Іс жүзінде жүйеқұрушы ретінде танылған банкке мемлекет тарапынан қандай да бір қолдау қажет пе?

— Шекті келісімде Қазақстанның қаржы нарығының тұрақтылығы үшін банк үлкен мәнге ие деген тармағы бар. Меніңше, мұны тікелей мағынасында түсінген дұрыс. Ал оны рейтингтік агенттіктердің қалай қабылдайтынына қатысты әлдене деу қиын-ақ. Кей жағдайда, біздегі қабылданып қойылған рейтингтік шешімдер бәрін бірден «бір түнде» бере салғысы келмеу ниетінен туындағандай әсер етеді.

— Дегенмен, сіздерде қазір квазимемлекеттік сектордан қор жинау қажеттілігі жоқ шығар?

— Біздің негізгі ұстанымымыз — депозиттерді тек қана қалыпты нарық мөлшерлемесімен алу. Біз қаржы тарту мөлшерлемесін нарықтық деңгейге дейін азайттық. Депозиторлар да депозиттерін ең жоғарғы пайыз төлейтін банктерге апармау керектігін түсінді. Дұрысы, бизнес-логика бар екенін, банк артық тәуекелсіз, шынайы түрде бере алатын пайыздардан пайда табуға болатынын ойластыру керек. Депозиттерге ұзақ уақыт бойы жоғары пайыз төлеу мүмкін емес. Банктер ондай қымбат ақшаны не істейтіні түсініксіз: онда банк барлық міндеттемелерді орындау үшін көбірек депозит тарта беруі тиіс, немесе барлық ақшаны өте көп пайда әкелуі мүмкін, бірақ тәуекелі де көп жобаларға сала беруі тиіс. Ал біз мұның екеуін де істемейміз.

— Ал кредиттік портфель жағы қалай болды: осы уақыт ішінде қандай да бір проблемалық несиелерді қалпына келтірудің сәті түсті ме?

— Біз белгілі бір дәрежеде өз теңгерімімізді толығымен тазалай алдық деп мақтана аламыз. Бұл тек несиелерге ғана емес, негізгі активтерді қайта бағалауларға да қатысты, яғни теңгерімдік көрсеткішіміз біздің жұмысымыздың айнасы десек те болады. Standard & Poor’s бағалауларына қарасақ, олар соңғы кездері төленген пайыздық табыстар деңгейіне айрықша назар аударатын болған. Bank RBK-да ол 88%-ды құрайды. Егер оны теңгеріммен есептелген жинақ деңгейімен салыстырсақ, 27%-ды құрайды, яғни оның қандай да бір күмән тудыратын несиелер деңгейінен екі есе көп екені көрініп тұр. Теңгеріміміз жақсы күйде тұр. Нарықты тыныштандырып, клиенттерді ұстай білу, ниеттестік бағдарламасын құру сияқты мақсаттарымыз бар. Тағы бір сәтті қадам — жаңа менеджерлер таба алдық. Сондай-ақ, теңгерімді толық тазартып, түзеуді қажет еткен артық нәрселерді алып тастадық. Енді стратегияны жүзеге асыруға кіріспекпіз. Қандай клиенттерді көргіміз келетінін айқындап алдық. Оған өтімділігіміз де, мөлшерлемеміз де жеткілікті. Заңнама аясында бірге жұмыс істеп жүрген акционеріміз бар, сондай-ақ, клиенттерімізбен, серіктестерімізбен және «Қазақмыс» тобының жеткізушілерімен ынтымақтаса жұмыс істеуге ұмтылмақпыз.

— Ұлттық банктің тәртіптелген несиесін қайтаруға қатысты қандай да бір қиындықтар туындамай ма?

— Жоқ, өйткені капиталдық оң әсерге өтемпұл есебінен қол жеткізуге болады. Тәртіптелген несиенің 4% мөлшерлемесі мен нарықтық мөлшерлеменің арасында айтарлықтай айырмашылық бар. Төлем бойынша еш қиындықтың болмайтыны анық, ал өтімділік бойынша оның өте ұзақ - 15 жылдық мерзім екенін түсінген жөн. 15 жылдан соң түрлі қор көздерінен түскен жинаққа ие болуы үшін банк капитал нарығына дер кезінде шығу дайындығын жүргізуі тиіс екені түсінікті. Біз осыншама ұзақ мерзімнен кейін сондай нәтижеге қол жеткізуге толық дайынбыз деп есептейміз.

Узнавайте больше об интересных событиях в Казахстане и за рубежом.
Подписывайтесь на нас в Telegram

Заметили опечатку? Выделите ее мышью и нажмите сочетание клавиш Ctrl+Enter.

Bank RBK Торстен Пол

30.03.2018 • 10:50 1417

Поделиться
Loading...
RBK «орташа әрі тартымсыздау, бірақ табысты банк» болады
  • Центр деловой информации Kapital.kz — информационное агентство, информирующее о событиях в экономике, бизнесе и финансах в Казахстане и за рубежом. При работе с материалами Центра деловой информации Kapital.kz разрешено использование лишь 30% текста с обязательной гиперссылкой на источник. При использовании полного материала необходимо разрешение редакции. Редакция Kapital.kz не всегда разделяет мнения авторов статей. При нарушении условий размещения материалов редакция делового портала имеет право на решение спорных моментов в законодательном порядке.

  • Яндекс.Метрика
    Система Orphus