Біз сындарлы инвестициямен айналысамыз
АВТОР

15.09.2015 • 11:34 1516

Біз сындарлы инвестициямен айналысамыз

Супер-бала бағушы жобасымен келісімдер жайында Ұлан Қаражігітов әңгімелейді

Ритейл және электронды коммерция саласындағы B2C сегментін өз стратегиясы етіп таңдап алған жаңадан құрылған Musan Invest инвестициялық қоры алғашқы келісімін жасап та үлгерді. Әсел және Бауыржан Канкиндер атты ерлі-зайыптылар құрған supernanny.kz жобасы қор мүддесінің мәніне айналды. Бұл онлайн-ресурстан ата-аналар өзге ата-аналар кеңес еткен бала бағушыны немесе бебиситтерді таба алады. «Капитал.kz» Musan Invest жетекшісі Ұлан Қаражігітовтен осы жобаның инвесторларды несімен қызықтырғаны жайында толығырақ айтып беруін сұраған еді.

- Дәл осы жобаға инвестиция құю туралы шешімді қабылдау барысында сіздер қандай өлшемдерді негізге алдыңыздар?

Әрине, бұл жобамен бірігу туралы шешімді қабылдамас бұрын, біз оның дұрыс және бұрыс жақтарын әбден ойластырып алдық. Біз оның бірегей идея еместігін түсіндік, өйткені бүгінде бір-біріне ұқсас интернет-жобалар көптеп дүниеге келіп жатыр. Әйтсе де, бізді қызықтырғаны ол жобаның бала бағушы тапқысы келген және сондай жұмыс іздеп жүрген жандардың байланыс ортасына айналу деген қарапайым әрі нақты мақсатының болғандығы еді. Яғни, жоба ең қарапайым әрі тиімді тәсілдер арқылы әлгіндей адамдардың басын қосып отыр. Кәдімгі бір еңбек биржасы дерсің. Дегенмен, негізгі фактор – supernanny-дың кеңес етілген үміткерлермен танысып шығумен айналысатындығы еді, менеджерлер кейіннен іздеушілерге ұсынылатын әрбір үміткердің өмірбаянын, абырой-беделін, олар жөнінде айтылған әрбір пікірді сараптап шығады екен. Яғни, сайтқа анкета жай ғана салына салмай, белгілі бір қауіпсіздік факторы да, әрбір нақты адамның өз жұмысына деген адалдығы мен жұмыс нәтижелілігі де ескеріледі екен.

Бұл жобаның бізді қызықтырған тағы бір себебі – оның негізін қалаушылардың өздері де ата-ана болып табылатындығы, яғни олар бала бағушы табу үшін қазіргі отбасыларға ненің жестпейтіндігін, сәтті таңдауға қол жеткізу үшін қандай өлшемдерді пайдалану керектігін жақсы түсінетіндігі еді. Яғни, олар жобаны өздері де сондай қызметті жүгіне алатындай, зор жанашырлықпен жасаған.

- Сіздер ол жобаның жай ғана идея немесе қағаздағы бизнес-жоспар түрінде емес, жұмысын бастап кеткен кезінде кірдіңіз. Жобаға қаржы құюдан өзге, сіздер тағы қандай көмек берудесіз?

Жобаның негізін қалаушылар жұмыс сұлбасын жасап шығару үшін көп уақыттары мен ақшаларын сарп етті. Аталмыш жағдайда біз бір-бірімізді дәл таба білдік: біз – жақсы идея мен нәтижелі команданы, негізін қалаушылар – жоба ауқымын тезірек кеңейтумен қамтамасыз ететін адамдарды таба білді.

Қордың қаржылай мүмкіндіктері, digital-шешімдері арқылы бұл жоба қосымша күш алуға тиіс, содан кейін біршама нәтижелі түрде алға жылжитын болады деп ойлаймыз. Біздің офлайн медиаларымыз істі алға жылжытудың тиімді арнасы сияқты жүзеге асатын болады. Дәл осы жобаны алға жылжытуда олардың маңызы аса зор, өйткені барлық бала бағушылар мен аналар интернетте көп отыра бермейді, ал бізге өзіміздің мақсатты аудиториямызды барынша кеңінен қамту қажет.

Жобаның даму мүмкіндігі зор. Оны бала бағушы іздеу бойынша ұсынылатын қызметтердің дәстүрлі түрінен бастап, барлық жанұяларға арналған үлкен жобаға айналдыруға болады. Біз оны Super Family деп аталатын кешенді порталға айналдырсақ дейміз. Онда репетиторлар, үй көмекшілері және қазақстандық отбасыларға қажетті басқа да қызметтерді көрсете алатын адамдар көптеген мүмкіндіктерге қол жеткізе алады. Біз тек қызметтерді ұсынумен ғана шектеліп қалмай, осы саладағы қолданбалы, үй ішілік және отбасыға арналған пайдалы тауарларды да ұсынатын боламыз.

- Жоба негізін қалаушылардың бастапқы инвестициялары өтелді ме?

Жоба операциялық өтелілімділікке өтіп үлгерді, жалпы, бастапқыда құйылған ақша қайтарылымы аяқталып қалды, алайда біздің көздеген мақсатымыз – үлкен қарқынмен әлі де өсе түсу. Үлкен жоспарлар құрып отырмыз, сондықтан біз қазір таза пайда табу мерзімі жайлы ойланып жатқан жоқпыз. Бар ойымыз жобаны әлі де дамыта түсу.

- Қандай да бір жобаға кіру туралы шешім қабылдағанда, Musan Invest инвестициялық стратегияның қандай өлшемдерін басшылыққа алатынын айтып өтсеңіз?

Біз талғампаз инвесторлармыз, сондықтан әрбір жобадан нақты коммерциялық үлгі мен айқын, таза ақша табу жолын көруге тиіспіз. Әлемді дүр сілкінткісі келген, бірақ қандай ақшамен күн көретіні белгісіз жобаларды қарастырмаймыз, себебі, жүзеге асыруға қанша талпынғанмен, ондай жобалар адасып кеткен кемедей, шынайы өмірдің алып мұздығына соғылып, тас-талқан болып жатады. Сондықтан қазір тек сындарлы инвестициямен ғана айналысамыз. Біз wow-факторы бар жоба құруды мақсат тұтпаймыз, дегенмен, ол да басты өлшемдердің бірі. Жоба ең алдымен, жақсы, маңызды, ойға қонымды қызметтер ұсыну арқылы өз аудиториясына пайда әкелуі тиіс, ал біз сияқты инвесторлар үшін ондай аудитория ниеттестік пен ақша жасау мүмкіндігі тұрғысынан маңызды болмақ.

Жоғары технологиялық жобаларды, роботтық техникаларды жүзеге асыруды қиялдайтындар жетіп артылады, бірақ өкініштісі, оларға инвестицияның мүлдем басқа түрі қажет, біз қазірше ондай жобалармен біріге алмаймыз. Қазір біз тек өз қолымыздан келетін істерді орындауға тырысып жатырмыз, сондықтан өзіміздің әрбір қадамымызды есеппен, аңдап қана басамыз. Біз тек интернетке байланысты стартаптармен, е-commerce-пен ғана емес, жақсы дами алатын бизнес-жобалармен де бірігуге дайынбыз. Біз жылдам ақша табуды емес, тұрақты жобаларға қатысуды алдымызға міндет етіп қойғанбыз.

- Қазір сіздерден инвестиция ала алатын ықтимал үміткерлер бар ма? Кімге көбірек назар аударып отырсыздар?

Қазір біз өз жобаларына қатысуға шақырып жатқан стартаптардың жаңа нұсқаларын күн сайын қарап отырмыз. Олардың көпшілігі, шамамен, 70%-ы амбициясы зор, бірақ жүзеге асуы екіталай жобалар.

Біздің қолымызда өзіміз үшін пайдалы, нәтижелі әрі келешегі зор болып көрінетін, өзгелердің өмірін іс жүзінде жеңілдете алар күш пен сервиске ие жобалардың белгілі бір пулы бар. Олардың жартысы B2B сегментіне жатады және өзге құрылымдардағы коммерциялық бизнесті дамыту үшін нақты өнімдер ұсынып отыр. Жақын уақытта сол жобалармен бірігуге қатысты бірнеше келісім жасалатын болады. Біз қазір бөлініс үлесіміздің сандық факторы мен операциялық басқаруға қатысу мәселесін талқылаудамыз. Біздің міндетіміз – қызықты жобалардың жүзеге асуына мүмкіндік беретін пайдалы көмекші болу. Біздің мақсатымыз жобадан көбірек пайда тауып, жылдам шығып кету емес, керісінше, сол жобалардың ұзақ мерзімді әрі табысты құрылуына атсалыссақ дейміз.

- Сіз supernanny.kz жобасына құйылған инвестиция көлемін жария етпедіңіз, дегенмен, жалпы компанияның инвестициялық стратегиясына қатысты қандай да бір цифрды айтып өтерсіз, бәлкім?

Біз алдағы уақытта әрқайсысы үшін $300 мыңға дейінгі жоспарлы сомасы бар 10 жобаны жүзеге асырсақ деп отырмыз. Біз көп ақша бермейміз, әйтсе де, енді қолға алынған жобаларды алмаймыз. Жаңа айтып өткен мүмкіндіктерімізді ескере отырып, келісім сомасын ұлғайтуымыз да ықтимал, онда инвестицияның жалпы көлемі іс жүзінде, $1 млн-нан асып кетуі мүмкін. Бұған жарнама да, еңбекақы да, АТ-ресурстар да кіреді.

Қазір іс жүзінде, көптеген жобалардан айқын да шынайы нәтижелер күтуге болады – көпшілігі $50-70 мың сомасына үміт артып отыр.

Егер жақын арада іске қосылатын 10 жобаның 2-3-еуі сәтті түрде жүзеге асып кетсе, нәтижелі пайызға қол жеткіздік деген сөз, өйткені жобалардың көпшілігі әлдебір төңкеріс жасап жіберуге деген құлшыныспен, өзінің атын әлемге паш еткісі келген көңіл-күйдің әсерімен іске қосылып кетеді. Өкінішке қарай, бір ғана көңіл-күйдің әсері жеткіліксіз, алдымен терең білім, алғанынан қайтпайтын табандылық қажет, адам тек сол идеясымен ғана өмір сүру керек. Ондай қасиеттер көп адамның бойында бола бермейді, көпшілігі әңгімелесу барысында-ақ, біз нақты сұрақтар қоя бастағаннан-ақ, беретін жауабы болмағандықтан өздігінен кетіп жатады.

- Күн сайын қанша отбасы мен бала бағушылардан түйіндемелер түсіп жатады, бір күн ішінде қанша отбасы өзіне бала бағушы таба алады, қаншасын алып тастайсыздар?

Сайтқа күн сайын ондаған жаңа бала бағушылар мен одан да көп ата-аналар тіркеліп жатады. Орташа есеппен, күн сайын үш отбасы өзіне бала бағушы тауып алады. Тіркелген анкеталардың 40%-дан астамы алынып тасталады және 20%-дан астамын тікелей ата-аналардың өздері алып тастайды. Тәжірибе көрсеткендей, анкетаны қараушылар санының азайып кетуіне бір ғана жағымсыз пікір жетіп жатыр немесе керісінше, бала бағушы туралы жағымды пікірлер айтылса және ол өзі туралы толық жазар болса, қараушылар да көбея түседі.

- Көптеген бала бағушылар интернетке кіре бермейді, оларға өз бетімен тіркелу де қиынға түседі. Бала бағушыларды тартуда қандай да бір онлайн-науқан жүргізіліп тұра ма?

Ісімізді енді бастағанда, бала бағушыларға біраз қиынға соққан, олар интернет-порталдың пайдасын түсіне алмай жатты, суреттерін қойып, өздері туралы толық ақпарат беруден ұялатын. Сондықтан біз бала бағушылармен офлайн түрінде жұмыс істеп, оларды кеңсеге шақырып, сайтқа қалай тіркелуге болатынын түсіндіріп, суретке, бейнекөрініс түсіруге көмектесетінбіз. Қазір жағдай жағымды жағына қарай өзгеріп келеді, бала бағушылар басқа ақпарат көздерінен гөрі, портал арқылы тезірек жұмыс таба бастады, сөйтіп өздері қызығушылық білдіргендер де тіркеліп, бізге жұмыс іздеп жүрген өз таныстары мен құрбыларын жібере бастады.

Узнавайте больше об интересных событиях в Казахстане и за рубежом.
Подписывайтесь на нас в Telegram

Заметили опечатку? Выделите ее мышью и нажмите сочетание клавиш Ctrl+Enter.

Улан Каражигитов

15.09.2015 • 11:34 1516

Поделиться
Новости партнёров
Loading...
  • Центр деловой информации Kapital.kz — информационное агентство, информирующее о событиях в экономике, бизнесе и финансах в Казахстане и за рубежом. При работе с материалами Центра деловой информации Kapital.kz разрешено использование лишь 30% текста с обязательной гиперссылкой на источник. При использовании полного материала необходимо разрешение редакции. Редакция Kapital.kz не всегда разделяет мнения авторов статей. При нарушении условий размещения материалов редакция делового портала имеет право на решение спорных моментов в законодательном порядке.

  • Яндекс.Метрика
    Система Orphus