АТ-бюджеттің төмендеуіне қатысты тренд байқалмайды
АВТОР

07.08.2015 • 16:58 1495

АТ-бюджеттің төмендеуіне қатысты тренд байқалмайды

АТ-инфрақұрылымының жай-күйі жайлы Қуат Құсайынбеков әңгімелейді

Celent сараптамалық компаниясының берген есебінде 2014 жылы әлемдік банктер ақпараттық технологияларға (АТ) шамамен, $188 млрд жұмсады, биылғы жылы бөлінетін қаржы көлемі 5%-ға артуы мүмкін делінген екен. Дегенмен бюджеттің ұлғайып жатқанына қарамастан, көптеген банктердің АТ-жүйесі сапасы жағынан ескіріп, әрең жұмыс істеп тұр. Олар жаңа өнімдер мен қосымшалардың іске қосылуы, түрлі бірігулер мен қосылулардың нәтижесінен «құрақ көрпеге» көбірек ұқсап барады. Мұндай көрініс жұмыс барысын қиындатып, жүйелерге көрсетілетін қызметтер мен қолдауға кететін шығындарды көбейте түсуде деп жазады Financial Times.

«Капитал.kz» іскерлік апталығына берген сұхбатында қазақстандық ірі банктердің біріндегі АТ-инфрақұрылымының жай-күйі қандай екендігі жайында Halyk Bank басқармасы төрағасының орынбасары Қуат Құсаинбеков әңгімелеп берген еді.

- Сіз таяуда өткен PROFIT Finance Day конференциясында айтылған «жақын болашақта банктер түрлі қызметтер немесе өнімдер деңгейінде емес, технологиялық стратегиялар деңгейінде бәсекелесетін болады» деген пікірмен келісесіз бе?

Менің ойымша, өнімдер деңгейіндегі бәсекелестік бұрынғыша қала береді. Солай десек те, технологияның маңызы күн өткен сайын артып барады және белгілі бір технологияларсыз банк құрылымдарындағы орасан деректер ауқымын өңдеуден өткізу мүмкін емес деген пікірмен келісемін. Әрине, ол пікірдің жаны бар, дегенмен, бәсекелестік көп ұзамай 100% технология саласына қарай ауысады деп ойламаймын. Қанша дегенмен, бұл сатылым барысын қамтамасыз етіп отырған құрал ғой. Жаңа өнімдерді әзірлеу бөліміндегі бәселестік, олардың қолайлылығы бәрібір қала бермек. Жаңа өнімдерді әзірлей отырып, сол ұсыныстарды сатуды қамтамасыз етуге арналған жақсы технологиялық базаға қол жеткізгендер жеңіске жететін болады.

- Көпшілік CIO өз бастамаларының басқарма құлағына жетпейтінін, кейде инвестиция, бюджет кеңейтілімі қажет екендігіне басшылықтың көзін жеткізу тіптен қиын болатынын айтып, шағынып жатады. Бұл жағынан HalykBank басқармасы төрағасының орынбасары ретінде сізге оңайырақ шығар?

Әрине, оңайырақ. Мен шешімдерді қабылдауға, инновацияға қатысты бюджет талқыланымына тікелей қатысамын ғой.

- Биылғы жылы банкте қандай жобаларды, технологиялық шешімдерді енгізудің сәті түсті?

Осы соңғы жылда біз сатудың дистанциялық арналарымен тығыз айналысып, жеке тұлғаларға арналған интернет-банкинг қызметін барынша кеңейтіп, өзімізде бұрыннан болған ұялы телефон қосымшаларының жаңа нұсқаларын жасап жатырмыз. Жыл сайын бұрын болмаған мүмкіндіктер пайда болуда, мысалы, еркін реквизиттерге төлем төлеуді алайық. Біздің клиенттер базамыз да ұлғая түсуде, сондықтан тұрақтылық, 24/7 режимінде қызметтер көрсету мәселесу туындауда.

Биыл банктің 2006 жылдан бері жұмыс істеп келе жатқан қызметкерлерді басқару бөлігіндегі жүйенің жаңа нұсқасына өту жөніндегі жобаны аяқтамақпыз.

Бүгінгі күні бүкіл Қазақстан бойынша банктің жұмыс тобы 22 филиалда, шамамен, 10 мың адамды құрап отыр. Соған сәйкес, тек бизнесті кеңейтуге ғана емес, кадрларды басқару тиімділігіне қойылатын талаптардың жаңа деңгейіне байланысты қызметкерлерді басқаруға қатысты шешімдерді жаңарту қажеттілігі туындады. Бұл SAP-тың HCM (Human Capital Management) шешімі, қазір біз оны соңғы нұсқаға көшіріп, осы уақыт ішінде пайда болған қызметтерін енгізіп жатырмыз. Жалпы алғанда, жаңартылған нұсқаға көшу бізге стандартталған шектеулі шешімдердің артықшылықтарын барынша пайдаланып, жеке зерттемелер санын азайтуға мүмкіндік береді, ал бұл жүйені қолдау мен дамытуға кететін шығындарды азайтуға көмегін тигізеді.

Біз НСМ-ді айтарлықтай көптеп қолданамыз, бізде жалақыны есептеуден бастап, қызметкерлерді, іссапарларды басқару, банк қызметкерін дамытуға дейінгі барлық модульдер бар. Бұл жоба бізге қызметтерді кеңейтіп, жаңа нұсқаның барлық мүмкіндіктерін пайдалануға жағдай туғызады.

- Технологиялар, мысалы, кадрлар ағымына немесе адамның белгілі бір орында табысқа жетуіне болжам жасауға көмектесе ме?

Ондай қызмет бар, болжам жасау белгілі бір жағдайға жақындатуға болатын жиналып қалған статистикаға тәуелді. Оны жүзеге асыруға болатынына сенімдімін, дегенмен, кадрлар ағымы мәселесі өте күрделі әрі көптеген сыртқы факторларға тәуелді. Жаңа технологиялар мен big data көбінесе, болашақта барлық көздерден ақпараттар жинап, болжам жасауға мүмкіндік береді. Біз қазірше сол мүмкіндіктерді басқа салаларда қолдануға тырысып жатырмыз. Мысалы, ол кеш-менеджементтегі, скорингтік карталардағы үлкен статистикада пайда болатын талдау.

Сондай-ақ, бізде қызметкерді дамыту және ынталандыру жөніндегі бағдарламалар, кадрлық резерв, қызметтік жолды жоспарлау да бар, банк адами ресурстарды басқаруға көп мән береді.

- Қызметкерлер тарапынан жаңа технологиялардың енгізілуін ұнатпайтын әдеттегі қарсылықтар болған жоқ па? Сіздер бұл мәселені қалай шешудесіздер?

Бұл үйреншікті жағдай ғой, көпшілігі стандарттық нәрселерге бейімделіп жатыр. Дәл дарты жылдан соң кері әсер пайда болады, жаңа нәрсеге қарсы болғандар енді соларды жақтаушыларға айналады. Бізде жаңа шешімдерді енгізбес бұрын пайдаланушыларды үйретіп алу тәжірибесі жүргізіледі. Бірақ ұнтапайтындар пайызы дәл өзге компаниялардағыдай қашанда болып тұрады.

- Банкте бизнес-талдау бойынша қандай шешімдер енгізілген?

Бізде 8 жылдық тарихы бар үлкен деректер қоймасы бар, ол басқармалық, реттеушілік есеп-қисапқа, бюджеттеу және жоспарлау бөлігіне арналған SAPBI қондырмалары пайдаланылады. Яғни, өзімізге қажетті ең төменгі жеткіліктілікте де бизнес-талдау бар, ал кең ауқымды жүйеде жоқ, ол әлі даму сатысында тұр. Клиенттік талдау бойынша жоспарлар бар, онда белгілі бір құралды таңдап аламыз немесе қолда бар құралды қолданамыз.

- ІТ-бюджеттің қарқыны жайлы айтсақ, жағымсыз тренд байқала ма?

Қазіргі уақытта ІТ-бюджеттің төмендеуіне қатысты тренд байқалмайды, соңғы жылдары ол біршама өсті және 2015 жылы күш салған жоспарларымыз түзетуге ұшыраған жоқ. Жағдайға байланысты әрекет ететін боламыз.

- Бюджеттің таусылып қалуына байланысты енгізілетін ірі жобалардың аяқталмай қалғаны сияқты қиындықтарға тап болған жоқсыздар ма?

Егер белгілі бір сатыға жеткен соң ақша таусылып қалса, онда жобаның сәтсіз болғаны. Біз о бастан-ақ бюджетті есептеп алуға тырысамыз, бұл іске сындарлы түрде кірісеміз. Істі бастаған сәтте қызметтің 80%-ын іске қосу қажет, уақыт өте келе дамуды қажет ететін тұстар қашан да болады. Жоба енді қолға алынған кезде жоспарланған қызметтер бәрібір өзгерістерге ұшырайды. Дегенмен, соңғы кездері ондай жолмен жүргізілген жобалар болған жоқ. Бәрі техникалық міндеттің қалай атқарылғандығына, бюджеттің қалай есептелгендігіне және қандай мерзімге жоспарланғандығына байланысты. Мерзімінен кешіктіру, әрине, болып тұрады, оның үстіне, бюджетті тиын-тебеніне дейін есептеп шығу мүмкін емес қой. Бірақ бюджеттің жобаны жабуға жетпей қалған кезі болған емес.

- Банкте бұлтты шешімдер енгізіліп жатыр ма?

Келешегі зор бұл істі біз қазірше зерттеу үстіндеміз, бірақ оны қызу қолданып жүрміз деп айта алмаймын. Банкте бұлтта қолдануға, шоғырландыру жүргізуге болатын қосымшалар көп-ақ. Оның бейресми бұлт болатыны анық. Қазірше инфрақұрылымымыз өзіміздің көңілімізден шығады, бірақ бұлтты технологияларды қолданатын боламыз. Банктер үшін тежеуші факторлардың бірі – қауіпсіздік мәселесі.

- Сіздер талантты IT-кадрларды қалай ұстап қаласыздар?

IT-кадрлардың әрдайым банктер арасында ауысып жүретінін бәрі біледі, жігіттер жылдам көтерілуде. Жыл сайын көктемде, ЖОО-лардан түлектер түлеп ұшқанда, біз жас мамандарды іріктеп алып, оларға білгенімізді үйретіп, өз кадрларымызды дайындап шығаруға тырысамыз. Біздің барлық қызметкерлеріміз осында өсіп-өнген, бұл мәселеде тәлімгерлік бағдарламасы мен қызмет жолын жоспарлап алу, кадрлық резерв көп көмегін тигізеді. Мамандар біздің банкте өздерінің келешегі зор екенін әрі өсуге деген мүмкіндіктердің бар екенін түсінуі тиіс. Біз оқытып-үйретуге көп қаржы құйып отырамыз, жыл сайын қызметкерлерімізді сыртқы курстарға жіберіп отырамыз, оған бюджеттен арнайы қаржы бөлінеді. Кадрлық өсім мен кәсіби үйрету мүмкіндіктерінен айрылмауға тырысамыз.

Заметили опечатку? Выделите ее мышью и нажмите сочетание клавиш Ctrl+Enter.

Куат Кусаинбеков

07.08.2015 • 16:58 1495

Поделиться
Новости партнёров
Loading...
  • Kapital.kz – информационное агентство, информирующее о событиях в экономике, бизнесе и финансах в Казахстане и за рубежом. Запрещается использование материалов Центра деловой информации Kapital.kz казахстанскими интернет-СМИ, несмотря на наличие гиперссылки на источник. Данным разрешением обладают исключительно информационные партнеры. Также не допускается перепечатка материалов делового портала Kapital.kz, которые прозвучали в эфире радиостанций, телеканалов, появились на страницах газет или были размещены на интернет-ресурсах, являющихся информационными партнерами Kapital.kz.
    Редакция Kapital.kz не всегда разделяет мнения авторов статей.

  • Яндекс.Метрика
    Система Orphus