Дағдарыс кезінде жұрт киноға бара бастайды
АВТОР

09.02.2015 • 13:56 3165

Дағдарыс кезінде жұрт киноға бара бастайды

Қазақстанда кино саласында пайда табу әсіресе, дағдарыс уақытында қаншалықты мүмкін – қызықты мәселе-ақ

Қазақстанда кино саласында пайда табу әсіресе, дағдарыс уақытында қаншалықты мүмкін деген мәселенің көпшілікті қызықтыратыны рас. Шығармашылық жолын ресейлік оқиғалық комедиялардың («Папины дочки», «Счастливы вместе») сценарийлерін жазудан бастаған Асқар Бисембин енді толықметражды кино («Үшеуге арналған үйлену тойы») дебютіне дайындалуда. Және өз ісін жалғастыруға мүмкіндік барын да жеткізді.

- Фильмге қажетті бюджетті қайдан таптыңыздар?

Біз тәуелсіз компаниямыз. Мен АҚШ-та білім алып келгенмін. Менің қаржыгер, бизнесмен сияқты табысты жақсы достарым бар. Олар «Астана банкі», Standart Insurance, «Шина Плюс». Фильмнің бюджеті шамамен, $380 мың болды. Рас, бастапқыда сәл арзандау түсіреміз деп жоспарлаған едік. Дегенмен, бәрі соншалықты қымбатқа түскен жоқ, кей тұстарда шығындарды қысқартып, үнем жасадық.

Негізі, меніңше, Қазақстанда фильм бюджеті $330 мыңнан көп соманы құрауы тиіс. Өйткені бізде табыс қалай бөлінеді? Әдетте, табыстың 50%-ын кинотеатрлар алып қалады, дистрибьюторлар да өз үлестерінен құр қалмайды. Олар әдетте, түскен табыстың 5%-7%-ын иемденеді. Сондай-ақ, салық төлеуді де ұмытпауың керек. Нәтижесінде, қомақты сома шығады. Сонда егер, мысалы, прокаттан бір миллион доллар тапсаң, ол жақсы пайда табатыныңа кепіл болмайды. Сондықтан ең қисынды бюджет сол $200 мыңнан $300 мыңға дейін болып қалмақ. Онда да, ондай бюджетпен жақсы оқиға желісін жасап шыға алатындай үлкен талант иесі болу керексің. Ондай бюджетте оқиға барынша қысқа әрі қызықты болуы тиіс.

- Прокат қандай болмақ?

Фильм еліміздегі барлық кинотеатрларда көрсетілмек.

- Дистрибьюторлармен, прокатшылармен қалай жұмыс істеудесізер?

Бұл мәселеде біздің жолымыз болды. «Сулпак Синема» компаниясының жігіттері бізді дұрыс жолмен алып келеді. Біздегі PR мәселесінің оңай еместігін ескерсек, прокатшыларымыз көп көмектесуде. Олар кәсіби түрде жұмыс істеуде, жарнамалары да нақты, дәл. Олар жарнаманы кез-келген жерге іле бермейді, істеген жұмыстарына қарай прокаттан түсетін табыстан өз пайыздарын алады.

- Сіз кинодағы жолыңызды ситкомдардағы сценарийші ретінде бастадыңыз, бұл жанрда көп тәжірибе жинадыңыз. Олардың бюджеттері қандай?

Қазақстанда бюджет әр түрлі. Әр сериясы $12-13 мың болуы мүмкін. Егер сенімге ие болсаң, көбірек беруі мүмкін, өйткені соған сәйкес, күтілетін үміт те зор болмақ. Дегенмен жақсы бюджет – жақсы өнім белгісі бола бермейді. Мәскеуде әрине, бюджеттер үлкен. Біздікімен салыстырғанда, 5, тіпті 6 есеге жоғары.

- Бізде сериалдарға тарсырыс берушілер әдетте, мемлекеттік телеарналар ғой. Соған байланысты шығармашылық тұрғыдан онша құлаш сермей алмайсың. Сізде интернет үшін өзіңіз қалаған нәрсені түсіріп көрсем деген ой болды ма?

Менде ондай қызықты ой да, тәжірибе де болуын болған еді бұрын. Бірақ ол кезде интернет жылдамдығы қазіргідей емес-тін. Жеті минуттық сериал түсірген кездеріміз де болған. Ондай жұмысқа беріле кірісуге болар да еді, бірақ мәселе аудиторияда болып тұр ғой. Мысалы, АҚШ-та «Үлкен жарылыс теориясы» сияқты ситкомдар жақсы табысқа қол жеткізуде. Оның үстіне, ол жақта экранға көп нәрсені шығара береді. Барлық тақырыпқа қатысты әзілдей беруге болады. Ал бізде тақырып, тәсілге қатысты қиындықтар бар. Және рейтингті кімдер құрайды? Біздің телевидениені көретіндер негізінен, аймақтар, ауылдар, шағын қалалар ғой. Сондықтан өзге әлем туралы немесе фэшн сериалдар түсіре алмайсың. Өйткені мұндай жобалардан жұрт өз өміріне ұқсайтын нәрсені іздейді, оларға өздері түсінетін орта қызықтырақ. Сондықтан әрине, менің де өз қаржыма интернетке арналған сериал түсіргім келеді. Бірақ ондай жағдайда, жақсы пайда табатыныңа ешкім кепілдік бермейді. Ал телеарна басшылығына келгенде, әлбетте, еш тәуекелге бел байламайтыныңды білесің. Бәрін арна өзі төлейді. Егер интернетке барсаң, зерделі, зейінді көрерменді қызықтыра білуге тиіссің. Интернет үшін үлкен ынта-ықылас керек.

- Оған не кедергі сонда?

Қазір менің онсыз да шаруам бастан асады. Жұмыс тобым да үлкен, сондықтан қазірше тек артықшылығы басым жобаларды таңдауға мәжбүрмін. Өзімнің алғашқы фильмімді түсіріп біттім, одан күтер үмітім де зор. Содан соң екінші жобамды қолға алмақпын. Ол продюсерлік жоба, мені сонда жұмыс істеуге шақырған еді. Яғни, өзге іске мойын бұратындай уақытым жоқ. Қазір екінші жобаны жазу үстіндемін, бірінші жобам үшін де көңілім алаңдаулы.

- Бізде ситком сценарийшілері қанша алады?

Бізде ситком үшін әр серияға шамамен, $500 төленеді. Кей жерде көбірек болуы мүмкін. Әр жерде әрқалай ғой.

- Қызметкерлерді жұмысқа қалай қабылдайсыздар?

Олар негізінен, Көңілді тапқырлар клубына қатысатын қыз-жігіттер. Олардың бір кемшілігі – драматургиядан онша хабардар емес. Олар жақсы әзіл айтуы мүмкін, бірақ сюжетті өрбітуді біле бермейді. Сондықтан оларды үйретуге тура келеді. Кейде басқа саладан өз қалауымен, айрықша құлшыныспен келетіндер де бар, бірақ олардың қолдарынан келе бермейді. Авторлардың көпшілігі өкпелеп, кетіп қалады. Кез-келген адам автор бола бермейді ғой. Бұл бәрі үшін қиын мәселе, Ресей де де солай.

- Қазір еліміздің экономикалық жағдайы мәз емес. Бұл сіздерге қалай әсер етуде?

Мен қазірше дағдарысты сезіне қойған жоқпын. Өйткені біз бюджетке қол жеткізе алдық, сондықтан болып жатқан жайттардың бізге қазірше қатысы жоқ. Бірақ алдағы уақытта бізге де әсерін тигізері сөзсіз. Өйткені мұндай жағдайда бәрі домино қағидасы бойынша жүреді ғой. Біз ондайды 2008 жылы бастан өткергенбіз. Рас айтамын,сондай қарама-қайшылық барын білесіз бе? 2008 жылы Lehman Brothers-тың құлдырауымен экономикалық дағдарыс басталған еді. Сонда Голливуд әдеттегі $18 млрд түсімнің орнына $28 млрд пайда тапқан екен. Неге олай болған дейсіз ғой? Себебі, жұрт қиындықтарды ұмыту үшін киноға бара бастайды екен. Сондықтан күресе беруге тура келеді, басқа не істейміз? Экономикалық қиындықтардан қашып құтыла алмаймыз, біз әлемдік нарықпен тұтасып кеткенбіз.

Узнавайте больше об интересных событиях в Казахстане и за рубежом.
Подписывайтесь на нас в Instagram

Заметили опечатку? Выделите ее мышью и нажмите сочетание клавиш Ctrl+Enter.

кино Асқар Бисембин

09.02.2015 • 13:56 3165

Поделиться
Новости партнёров
Loading...
  • Центр деловой информации Kapital.kz — информационное агентство, информирующее о событиях в экономике, бизнесе и финансах в Казахстане и за рубежом. При работе с материалами Центра деловой информации Kapital.kz разрешено использование лишь 30% текста с обязательной гиперссылкой на источник. При использовании полного материала необходимо разрешение редакции. Редакция Kapital.kz не всегда разделяет мнения авторов статей. При нарушении условий размещения материалов редакция делового портала имеет право на решение спорных моментов в законодательном порядке.

  • Яндекс.Метрика
    Система Orphus