Спорт федерацияларына мемлекеттік мәртебе беретін уақыт жетті
Мемлекет тарапынан қаржыландырылып, мемлекеттік тапсырыстарды орындағанда ғана олардың жұмысы тиімді бола түседіҚазақстанда спорт федерацияларына мемлекеттік мәртебе беретін уақыт жетті. Журналистермен болған онлайн конференция барысында шаңғы тебуден 1994 жылғы қысқы Олимпиада чемпионы, «Астана» Президенттік кәсіпқой спорт клубының бас директоры, «Ұлттық шаңғы жарыстары федерациясы» Қоғамдық Бірлестігінің вице-президенті Владимир Смирнов осылай деп мәлімдеді.
Оның айтуынша, мемлекет тарапынан қаржыландырылып, мемлекеттік тапсырыстарды орындағанда ғана олардың жұмысы анағұрлым тиімді бола түседі. Яғни, ұлттық командалар мен олардың резервтерін дайындау, сонымен қатар, спорт инфрақұрылымдарын дамыту жұмыстары жолға қойылады.
«Жасыратын түгі жоқ, бүгінде Спорт және дене шынықтыру істері комитеті, ҚР Спорт және дене шынықтыру істері Агенттігінің ұлттық штаттық командалар мен спорт резервтері Дирекциясы және әр түрлі спорт федерациялары мен қауымдастықтарының жұмыстары әлі де болса өзара жеткілікті дәрежеде үйлестірілмеген. Олар көп жағдайда дербес әрекет жасауға дағдыланған. Бұл жерде федерациялар мен қауымдастықтар өзгерістерді ең соңынан естиді. Олар тек ерікті қоғамдық ұйым болғандықтан, спорттың дамуына ықпал ету мүмкіндіктері аз, яғни көп жағдайда бастама көтерумен шектеледі» - деді В Смирнов.
Ол бұл жерде нақты жауапкершілікті арттыру үшін федерацияларға мемлекеттік мәртебе беру қажеттігін алға тартты.
«Қалай болғанда да батыс елдері секілді спорт федерациялары мен қауымдастықтарының жаңа моделіне көшуіміз қажет. Мысалы, Ресей Сочи Олимпиадасының алдында ғана барлық спорт федерацияларына мемлекеттік мәртебе берді. Демек, олар мемлекет тарапынан қаржыландырылады және мемлекеттік тапсырыстарды орындайды. Яғни, жауапты органға айналды. Сәйкесінше, ұлттық командалар мен резервтерінің дайындығына, спорт инфрақұрылымдарының дамуына жауап береді. Алдымызда 2017 жылы болатын қысқы Универсиада ойындары жақындап келеді. Сондықтан тиісті
федерациялар мен қауымдастықтардың жұмыстарын барынша жандандыра түсуіміз қажет» - деді В. Смирнов.
При работе с материалами Центра деловой информации Kapital.kz разрешено использование лишь 30% текста с обязательной гиперссылкой на источник. При использовании полного материала необходимо разрешение редакции.